|
|
|
|
Alterserscheinungen  von Cobra-x aus der Kategorie Gedicht - Lustiges |
|
|||||||||
|
Mir lauft oft Galle über. Hoscht gar koin Wert me of der Welt wenn 60ge bischt und drüber. Dass o amol jung gwese bischt und schö lässt jetzt koi Mensch mehr gelta. Du zählscht zum alte Eise jetzt und hoscht nix mehr zum melde. Lang leba will jo jeder Mensch doch alt will koiner were. S’ Alter bringt oim mit der Zeit so allerhand Beschwerde. Ma sieht it guot, ma hört net guot, s’ Gedächtnis will oim schwinde. S’ Zahnwerk ist meist aus Porzella bis auf oin Stumpa hinda. De Mage macht oim viel Verdruß ischt z’ faul zum recht verdaue. Auf d’ Leber ischt au kion Verlaß und s’ Wasser tut sich staue. Dr Darm der streikt au hi und da und will it funktioniere, wenn deam it pfundweis Pilla gibscht kascht numma existiere. Im Winter tuat der Reissmatheis in alle Knoche zwicke bischt net guat zudeckt in der Nacht no huschtest zum versticke. Und mit de Füß hoscht dei Malheur s’ ischt gar koi Vorwärtskomme und hoscht doch früher d’ Stiega nauf vier Tritt auf oimal gnomme. Pressierst amol, no fliagscht in Dreck mit deine steife Knoche und merkscht am nächste Strosse-Eck jetzt hoscht dein Haxe broche, Dr Wadekrampf, wenn i dra denk Krampfoder sticht und gloschtet s’ Schmalz ischt vertrocknet in de Glenk Drum sind Schanier verrostet. Wia hot oin früher s’ Schaffe gfreut Jetzt muaß ma di na schucke derweil kriegscht no da Hexeschuß und kascht di numma bucke. Und wenn em Doktor ebbas klagscht der wird di bloß auslache. Sen Alterserscheinunga bloß do ka ma nix meh mache! Ischt unser Schönheit au verblasst und allerhand verschosse Im Herze sind mir ewig jung und lachet grad zum Bosse! Dieser Text ist im Allgäuer Dialekt verfasst !!! Bitte Copyright - Eintrag beachten !! | ||||||||||
